Identifícate aquí ou Rexístrate


Novas

COMUNICACIÓN

Comparte connosco a túa actualidade e nós partillámola co exterior

26/02/2009

Dende a xestión da páxina facemos un chamamento aos grupos rexistrados no portal web para explotar xuntos todo o potencial comunicativo que ofrece este sobranceira iniciativa chamada Nsaio.org.

Noticias Nsaio

Dende a xestión de Nsaio.org queremos convidar aos grupos a comunicarse directamente connosco mediante o noso enderezo aodia@nsaio.org que está á vosa disposición para calquera dúbida que teñades sobre o funcionamento da páxina web. Ademais, queremos lembrarvos que estamos abertos a que nos informedes das novidades que ides subindo ao voso espazo, tales como novas e axenda.

Isto é así porque o constante crecemento do volume da páxina fai cada vez máis difícil estar ao par no momento axeitado das novidades que ides introducindo. Anunciándonolas por mail teredes a seguridade de que aquela información que, por interese, podería figurar na portada de Nsaio.org vai rematar aparecendo alí.

Até o de agora son moitos os músicos que usaron Nsaio.org como un medio de relación entre eles, mais agora animámosvos a que o teñades en conta como unha ferramenta para a vosa promoción no exterior. Se vos decidides a adoptar este plantexamento lembrade, unha vez máis, que aodia@nsaio.org está ávida da vosa actualidade para partillala cos usuarios da páxina mediante a portada.



Compartir Chuza! Menéame Delicious Yahoo Technorati Domelhor